رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Haidar Ali Atish
›
Intikhab-e-kalaam
دوست دشمن نے کئے قتل کے ساماں کیا کیا
Intikhab-e-kalaam ·
Haidar Ali Atish ·
حیدر علی آتش
· 6 sher
حسن
Husn
غم
Gham
دوستی
Dosti
دوست دشمن نے کئے قتل کے ساماں کیا کیا
جان مشتاق کے پیدا ہوئے خواہاں کیا کیا
آفتیں ڈھاتی ہے وہ نرگس فتاں کیا کیا
داغ دیتی ہے مجھے گردش دوراں کیا کیا
پھر سکی میرے گلے پر نہ چھری ہے ظالم
ورنہ گردوں سے ہوئے کار نمایاں کیا کیا
حسن میں پہلوئے خورشید مگر دابے گا
دور کھنچتا ہے ہمارا مہ تاباں کیا کیا
روئے دلبر کی صفا سے تھا بڑا ہی دعوی
سامنے ہو کے ہوا آئنہ حیراں کیا کیا
آنکھیں گیسو کے تصور میں رہا کرتی ہیں بند
لطف دکھلاتا ہے یہ خواب پریشاں کیا کیا
Haidar Ali Atish ka aur kalaam
Koi aur sher