رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
شبنم بہ گل لالہ نہ خالی ز ادا ہے
Ghazal ·
Mirza Ghalib ·
مرزا غالب
· 12 sher
حسن
Husn
بہار
Bahar
امید
Umeed
شبنم بہ گل لالہ نہ خالی ز ادا ہے
داغ دل بے درد، نظر گاہ حیا ہے
دل خوں شدۂ کشمکش حسرت دیدار
آئینہ بہ دست بت بد مست حنا ہے
شعلے سے نہ ہوتی، ہوس شعلہ نے جو کی
جی کس قدر افسردگیٔ دل پہ جلا ہے
تمثال میں تیری ہے وہ شوخی کہ بہ صد ذوق
آئینہ بہ انداز گل آغوش کشا ہے
قمری کف خاکستر و بلبل قفس رنگ
اے نالہ! نشان جگر سوختہ کیا ہے؟
خو نے تری افسردہ کیا وحشت دل کو
معشوقی و بے حوصلگی طرفہ بلا ہے
مجبوری و دعوائے گرفتاریٔ الفت
دست تہ سنگ آمدہ پیمان وفا ہے
معلوم ہوا حال شہیدان گزشتہ
تیغ ستم آئینۂ تصویر نما ہے
اے پرتو خورشید جہاں تاب ادھر بھی
سائے کی طرح ہم پہ عجب وقت پڑا ہے
سر رشتۂ بے تابیٔ دل در گرہ عجز
پرواز بہ خوں خفتہ و فریاد رسا ہے
ناکردہ گناہوں کی بھی حسرت کی ملے داد
یا رب اگر ان کردہ گناہوں کی سزا ہے
بیگانگیٔ خلق سے بے دل نہ ہو غالب
کوئی نہیں تیرا، تو مری جان، خدا ہے
Mirza Ghalib ka aur kalaam
Koi aur sher