رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
چاک کی خواہش، اگر وحشت بہ عریانی کرے
Ghazal ·
Mirza Ghalib ·
مرزا غالب
· 7 sher
رات
Raat
حسن
Husn
غم
Gham
چاک کی خواہش، اگر وحشت بہ عریانی کرے
صبح کے مانند، زخم دل گریبانی کرے
جلوے کا تیرے وہ عالم ہے کہ، گر کیجے خیال
دیدۂ دل کو زیارت گاہ حیرانی کرے
ہے شکستن سے بھی دل نومید، یا رب! کب تلک
آبگینہ کوہ پر عرض گراں جانی کرے
مے کدہ گر چشم مست ناز سے پاوے شکست
موئے شیشہ دیدۂ ساغر کی مژگانی کرے
خط عارض سے، لکھا ہے زلف کو الفت نے عہد
یک قلم منظور ہے، جو کچھ پریشانی کرے
ہاتھ پر گر ہاتھ مارے یار وقت قہقہہ
کرمک شب تاب آسا مہ پر افشانی کرے
وقت اس افتادہ کا خوش، جو قناعت سے اسد
نقش پائے مور کو نقش سلیمانی کرے
Mirza Ghalib ka aur kalaam
Koi aur sher