رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
شب کہ برق سوز دل سے زہرۂ ابر آب تھا
Ghazal ·
Mirza Ghalib ·
مرزا غالب
· 11 sher
رات
Raat
بہار
Bahar
غم
Gham
شب کہ برق سوز دل سے زہرۂ ابر آب تھا
شعلۂ جوالہ ہر اک اک حلقۂ گرداب تھا
شب کہ ذوق گفتگو سے تیری، دل بے تاب تھا
شوخیٔ وحشت سے افسانہ فسون خواب تھا
واں کرم کو عذر بارش تھا عناں گیر خرام
گریے سے یاں، پنبۂ بالش کف سیلاب تھا
لے زمیں سے آسماں تک فرش تھیں بے تابیاں
شوخیٔ بارش سے مہ فوارۂ سیماب تھا
واں ہجوم نغمہ ہائے ساز عشرت تھا اسد
ناخن غم، یاں سر تار نفس مضراب تھامقطع
واں خود آرائی کو تھا موتی پرونے کا خیال
یاں ہجوم اشک میں تار نگہ نایاب تھا
جلوۂ گل نے کیا تھا واں چراغاں آب جو
یاں رواں مژگان چشم تر سے خون ناب تھا
یاں سر پرشور بے خوابی سے تھا دیوار جو
واں وہ فرق ناز، محو بالش کمخواب کمخواب تھا
یاں نفس کرتا تھا روشن، شمع بزم بے خودی
جلوۂ گل واں بساط صحبت احباب تھا
فرش سے تا عرش، واں طوفاں تھا موج رنگ کا
یاں زمیں سے آسماں تک سوختن کا باب تھا
ناگہاں اس رنگ سے خوں نابہ ٹپکانے لگا
دل کہ ذوق کاوش ناخن سے لذت یاب تھا
Mirza Ghalib ka aur kalaam
Koi aur sher