رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
ز بس خوں گشتۂ رشک وفا تھا وہم بسمل کا
Ghazal ·
Mirza Ghalib ·
مرزا غالب
· 7 sher
مے
Mai-kada
غم
Gham
وفا
Wafa
ز بس خوں گشتۂ رشک وفا تھا وہم بسمل کا
چرایا زخم ہائے دل نے پانی تیغ قاتل کا
نگاہ چشم حاسد وام لے، اے ذوق خود بینی
تماشائی ہوں، وحدت خانۂ آئینۂ دل کا
شرر فرصت نگہ، سامان یک عالم چراغاں ہے
بہ قدر رنگ یاں گردش میں ہے پیمانہ محفل کا
سراسر تاختن کو، شش جہت یک عرصہ جولاں تھا
ہوا واماندگی سے رہرواں کی، فرق منزل کا
اشعار سراپا رہن عشق و ناگزیر الفت ہستی
عبادت برق کی کرتا ہوں اور افسوس حاصل کا
بہ قدر ظرف ہے ساقی! خمار تشنہ کامی بھی
جو تو دریائے مے ہے، تو میں خمیازہ ہوں ساحل کا
مجھے راہ سخن میں خوف گمراہی نہیں غالب
عصائے خضر صحرائے سخن ہے، خامہ بیدل کا
Mirza Ghalib ka aur kalaam
Koi aur sher