رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Qasida
ساز یک ذرہ نہیں فیض چمن سے بے کار
Qasida ·
Mirza Ghalib ·
مرزا غالب
· 30 sher
بہار
Bahar
مے
Mai-kada
امید
Umeed
ساز یک ذرہ نہیں فیض چمن سے بے کار
سایۂ لالۂ بے داغ سویدائے بہار
مستیٔ باد صبا سے ہے بہ عرض سبزہ
ریزۂ شیشۂ مے جوہر تیغ کہسار
سبز ہے جام زمرد کی طرح داغ پلنگ
تازہ ہے ریشۂ نارنج صفت روئے شرار
مستیٔ ابر سے گل چین طرب ہے حسرت
کہ اس آغوش میں ممکن ہے دو عالم کا فشار
کوہ و صحرا ہمہ معموریٔ شوق بلبل
راہ خوابیدہ ہوئی خندۂ گل سے بیدار
سونپے ہے فیض ہوا صورت مژگان یتیم
سر نوشت دو جہاں ابر بہ یک سطر غبار
مصرع کاٹ کر پھینکیے ناخن جو بہ انداز ہلال
قوت نامیہ اس کو بھی نہ چھوڑے بے کار
کف ہر خاک بہ گردون شدہ قمری پرواز
دام ہر کاغذ آتش زدہ طاؤس شکار
مے کدے میں ہو اگر آرزوئے گل چینی
بھول جا یک قدح بادہ بہ طاق گل زار
موج گل ڈھونڈھ بہ خلوت کدۂ غنچۂ باغ
گم کرے گوشۂ مے خانہ میں گر تو دستار
کھینچے گر مانیٔ اندیشہ چمن کی تصویر
سبزہ مثل خط نو خیز ہو خط پرکار مصرع-۲
لعل سے کی ہے پئے زمزمۂ مدحت شاہ
طوطیٔ سبزۂ کہسار نے پیدا منقار
وہ شہنشاہ کہ جس کی کی پئے تعمیر سرا
چشم جبریل ہوئی قالب خشت دیوار
فلک العرش ہجوم خم دوش مزدور
رشتۂ فیض ازل ساز طناب معمار
سبز نہ چمن و یک خط پشت لب بام
رفعت ہمت صد عارف و یک اوج حصار
واں کی کی-خاشاک خاشاک سے حاصل ہو جسے یک پر کاہ
وہ رہے مروحۂ بال پری سے بے زار
خاک صحرائے نجف جوہر سیر عرفا
چشم نقش قدم آئینۂ بخت بیدار
ذرہ اس گرد کا خورشید کو آئینۂ ناز
گرد اس دشت کی امید کو احرام بہار
آفرینش کو ہے واں سے طلب مستیٔ ناز
عرض خمیازۂ ایجاد ہے ہر موج غبار
اشعار سنگ، یہ کار گہ ربط نزاکت ہے، کہ ہے
خندۂ بے خودیٔ کبک، بہ دندان شرار
کشتۂ افعیٔ زلف سیہ شیریں کو
بے ستوں، سبزے سے، ہے سنگ زمرد کا مزار
حسرت جلوۂ ساقی ہے کہ ہر پارۂ ابر
سینہ، بے تابی سے، ملتا ہے بہ تیغ کہسار
دشمن حسرت عاشق ہے، رگ ابر سیاہ
جس نے برباد کیا ریشۂ چندیں شب تار
چشم بر چشم چنے ہے بہ تماشا، مجنوں
ہر دو سو خانۂ زنجیر، نگہ کا بازار
خانۂ تنگ، ہجوم دو جہاں کیفیت
جام جمشید ہے یاں قالب خشت دیوار
سنبل و دام کمیں خانۂ خواب صیاد
نرگس و جام سیہ مستیٔ چشم بیدار
طرہ ہا، بس کہ، گرفتار صبا ہیں، شانہ
زانوئے آئینہ پر مارے ہے دست بے کار
بس کہ یک رنگ ہیں دل، کرتی ہے ایجاد نسیم
لالے کے داغ سے، جوں نقطہ و خط، سنبل زار
اے خوشا! فیض ہوائے چمن نشو و نما
بادہ پر زور و نفس مست و مسیحا بیمار
ہمت نشو و نما میں یہ بلندی ہے کہ سرو
پر قمری سے کرے صیقل تیغ کہسار
Mirza Ghalib ka aur kalaam
Koi aur sher