رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Nazeer Akbarabadi
›
Intikhab-e-kalaam
لڑا دے آنکھیں وہ بے حجابی کہ پھر پلک سے پلک نہ مارے
Intikhab-e-kalaam ·
Nazeer Akbarabadi ·
نظیر اکبرآبادی
· 6 sher
عشق
Ishq
حسن
Husn
بہار
Bahar
لڑا دے آنکھیں وہ بے حجابی کہ پھر پلک سے پلک نہ مارے
نظر جو نیچی کرے تو گویا کھلا سراپا چمن حیا کا
یہ راہ چلنے میں چنچلاہٹ کہ دل کہیں ہے نظر کہیں ہے
کہاں کا اونچا کہاں کا نیچا خیال کس کو قدم کی جا کا
یہ رم یہ نفرت یہ دور کھنچنا یہ ننگ عاشق کے دیکھنے سے
جو پتا کھٹکے ہوا سے لگ کر تو سمجھے کھٹکا نگہ کے پا کا
جتاوے الفت چڑھاوے ابرو ادھر لگاوٹ ادھر تغافل
کرے تبسم جھڑک دے ہر دم روش ہٹیلی چلن دغا کا
نہ وہ سنبھالے کسی کے سنبھلے نہ وہ منائے منے کسی سے
جو قتل عاشق پہ آ کے مچلے تو غیر کا پھر نہ آشنا کا
جو شکل دیکھو تو بھولی بھولی جو باتیں سنئے تو میٹھی میٹھی
دل ایسا پتھر کہ سر اڑا دے جو نام لیجے کبھی وفا کا
Nazeer Akbarabadi ka aur kalaam
Koi aur sher