رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Nazeer Akbarabadi
›
Intikhab-e-kalaam
کیا غم اسباب ظاہر کا نہ ہو جس کو قیام
Intikhab-e-kalaam ·
Nazeer Akbarabadi ·
نظیر اکبرآبادی
· 6 sher
غم
Gham
بہار
Bahar
مے
Mai-kada
کیا غم اسباب ظاہر کا نہ ہو جس کو قیام
چشم معنی بیں میں یکساں ہے اگر تھا یا نہ تھا
کہتے ہیں عہد سلف میں تھا کوئی ایسا مکاں
قطعۂ خلد اس کا ایک اک کنج اور کاشانہ تھا
پر صفا و پر ضیا و پر نگار و پر بہار
زیب سے سو سو طرح اس میں جو شاخ اور شانہ تھا
لحظہ لحظہ عیش و عشرت دم بدم رقص و سرور
گریۂ مینا و یکسر خندۂ پیمانہ تھا
مالک اس کا جب وہ پشت بام پر پھرتا تھا شاد
کیا کہوں کیا کیا اسے ناز سر افرازانہ تھا
تھا جہاں یہ کچھ عیاں واں انقلاب دور سے
یک مژہ برہم زدن میں کچھ نہ تھا ویرانہ تھا
Nazeer Akbarabadi ka aur kalaam
Koi aur sher