رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Nazeer Akbarabadi
›
Intikhab-e-kalaam
کھل رہا تھا روبرو جنت کے گلشن کا چمن
Intikhab-e-kalaam ·
Nazeer Akbarabadi ·
نظیر اکبرآبادی
· 6 sher
بہار
Bahar
حسن
Husn
مے
Mai-kada
کھل رہا تھا روبرو جنت کے گلشن کا چمن
نازنین محبوب گویا حور اور غلمان تھے
لگ رہا تھا دل کئی چنچل پری زادوں کے ساتھ
کچھ کسی سے عہد تھے اور کچھ کہیں پیمان تھے
گل بدن اور گلعذاروں کے کنارو بوس سے
کچھ نکالی تھی ہوس کچھ اور بھی ارمان تھے
مچ رہے تھے چہچہے اور اڑ رہے تھے قہقہے
ساقی و ساغر صراحی پھول عطر و پان تھے
ایک ہی چکر دیا ایسا اجل نے آن کر
جو نہ ہم تھے اور نہ وہ سب عیش کے سامان تھے
ایسی بے دردی سے ہم پر پاؤں مت رکھ اے نظیر
او میاں تیری طرح ہم بھی کبھی انسان تھے
Nazeer Akbarabadi ka aur kalaam
Koi aur sher