رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
ساتھ والوں میں مرے کوہ کن و قیس بھی ہیں
Intikhab-e-kalaam ·
Riyaz Khairabadi ·
ریاض خیرآبادی
· 6 sher
موت
Maut
حسن
Husn
مے
Mai-kada
ساتھ والوں میں مرے کوہ کن و قیس بھی ہیں
میرے قصے نہیں ٹکڑے کوئی افسانوں کے
چشم یعقوب بنے حلقۂ زنجیر کی آنکھ
کبھی تقدیر سے دن پھرتے ہیں زندانوں کے
غیرت حق کو ہو کیا جوش جب اعمال یہ ہیں
کم ہے جو کچھ ہو مقدر میں مسلمانوں کے
دور سے دیکھ کے پھرنا وہ مرا الٹے پاؤں
اف وہ بدلے ہوئے تیور ترے دربانوں کے
مہ و انجم سے ٹپکتا ہے یہی راتوں کو
ان میں ٹوٹے ہوئے ساغر بھی ہیں مے خانوں کے
انہیں ٹھکراتے چلو حشر میں لطف آئے گا
انہیں قبروں میں ہیں مارے ہوئے ارمانوں کے
Riyaz Khairabadi ka aur kalaam
Koi aur sher