رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
ہزاروں دیدہ و دل بام لاکھوں طور سے بڑھ کر
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
بہار
Bahar
رات
Raat
ہزاروں دیدہ و دل بام لاکھوں طور سے بڑھ کر
کروڑوں جلوہ گاہیں شوق تو ہو خود نمائی کا
قفس میں اب کہاں وہ انبساط صبح آزادی
چمن تک لطف تھا صیاد میری خوشنوائی کا
اشارے پر ترے چل کر یہ لائے رنگ مشکل ہے
ابھی محتاج ہے خنجر ترے دست حنائی کا
کوئی کیا جائے جنت میں کہ اس نے طول کھینچا ہے
قیامت پر بھی سایہ پڑ گیا روز جدائی کا
وہ دن بھی آئے ہم ہوں اور گلیاں ہوں مدینے کی
گدایانہ صدا ہو ہاتھ میں کاسہ گدائی کا
بنائی کیا بری گت مے کدے میں بادہ نوشوں نے
ریاض آئے تھے کل جامہ پہن کر پارسائی کا
Riyaz Khairabadi ka aur kalaam
Koi aur sher