رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
بلا سے ہیں جو یہ پیش نظر، در و دیوار
Ghazal ·
Mirza Ghalib ·
مرزا غالب
· 10 sher
موت
Maut
حسن
Husn
غم
Gham
بلا سے ہیں جو یہ پیش نظر، در و دیوار
نگاہ شوق کو ہیں بال و پر در و دیوار
وفور اشک نے کاشانے کاشانے کا کیا یہ رنگ
کہ ہو گئے مرے دیوار و در، در و دیوار
نہیں ہے سایہ، کہ سن کر نوید مقدم یار
گئے ہیں چند قدم پیشتر در و دیوار
ہوئی ہے کس قدر ارزانیٔ مئے جلوہ
کہ مست ہے ترے کوچے میں ہر در و دیوار
جو ہے تجھے سر سودائے انتظار، تو آ
کہ ہیں دکان متاع نظر در و دیوار
ہجوم گریہ کا سامان کب کیا میں نے
کہ گر پڑے نہ مرے پاؤں پر در و دیوار
وہ آ رہا مرے ہم سایہ میں، تو سائے سے
ہوئے فدا در و دیوار پر در و دیوار
نظر میں کھٹکے ہے بن تیرے گھر کی آبادی
ہمیشہ روتے ہیں ہم دیکھ کر در و دیوار
نہ پوچھ بے خودیٔ عیش مقدم سیلاب
کہ ناچتے ہیں پڑے سر بہ سر در و دیوار
نہ کہہ کسی سے کہ غالب، نہیں زمانے میں
حریف راز محبت مگر در و دیوار
Mirza Ghalib ka aur kalaam
Koi aur sher