رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
تپش سے میری، وقف کش مکش، ہر تار بستر ہے
Ghazal ·
Mirza Ghalib ·
مرزا غالب
· 10 sher
رات
Raat
تنہائی
Tanhai
حسن
Husn
تپش سے میری، وقف کش مکش، ہر تار بستر ہے
مرا سر رنج بالیں ہے، مرا تن بار بستر ہے
سرشک سر بہ صحرا دادہ، نورالعین دامن ہے
دل بے دست و پا افتادہ بر خوردار بستر ہے
شعر خوشا اقبال رنجوری! عیادت کو تم آئے ہو
فروغ شمع بالیں، طالع بیدار بستر ہے
بہ طوفاں گاہ جوش اضطراب شام تنہائی
شعاع آفتاب صبح محشر تار بستر ہے
ابھی آتی ہے بو، بالش سے، اس کی زلف مشکیں کی
ہماری دید کو، خواب زلیخا، عار بستر ہے
اشعار بہ ذوق شوخیٔ اعضاء تکلف بار بستر ہے
معاف پیچ تاب کشمکش ہر تار بستر ہے
معمائے تکلف سر بہ مہر چشم پوشیدن
گداز شمع محفل پیچش طومار بستر ہے
مژہ فرش رہ و دل ناتوان و آرزو مضطر
بہ پائے خفتہ سیر وادیٔ پر خار بستر ہے
اسد جوش بہار دیدۂ بیدار کے صدقے
ہماری دید کو خواب زلیخا عار بستر ہے
کہوں کیا، دل کی کیا حالت ہے ہجر یار میں، غالب!
کہ بے تابی سے ہر یک تار بستر، خار بستر ہے
Mirza Ghalib ka aur kalaam
Koi aur sher