رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
دل میں آنے کی نکل آتی ہیں راہیں کیوں کر
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
انتظار
Intezar
غم
Gham
دل میں آنے کی نکل آتی ہیں راہیں کیوں کر
اوپر اٹھ جاتی ہیں وہ نیچی نگاہیں کیوں کر
کر لیا کرتے تھے دل کھول کے آہیں کیوں کر
اب یہ رونا ہے کراہیں تو کراہیں کیوں کر
گدگدانے نہیں آتی ہیں سر بام تمہیں
عرش پر کھیلتی ہیں جا کے یہ آہیں کیوں کر
نکلیں گھونگھٹ میں یہ مژگاں کے جو نکلیں بھی کبھی
شوخ ہو جاتی ہیں شرمیلی نگاہیں کیوں کر
تو بھی جانے کہ ملا چاہنے والا تجھ کو
تو بتا دے ترے صدقے تجھے چاہیں کیوں کر
کیا خبر ہے تجھے او چین سے سونے والے
کہ دم سرد بنا کرتی ہے آہیں کیوں کر
Riyaz Khairabadi ka aur kalaam
Koi aur sher