رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Siraj Aurangabadi
›
Intikhab-e-kalaam
مخمور چشموں کی تبرید کرنے کوں شبنم ہے سرداب شوروں کی مانند
Intikhab-e-kalaam ·
Siraj Aurangabadi ·
سراج اورنگ آبادی
· 6 sher
عشق
Ishq
بہار
Bahar
حسن
Husn
مخمور چشموں کی تبرید کرنے کوں شبنم ہے سرداب شوروں کی مانند
روپے کے تھالے سفیدی ہے نرگس کی زردی ہے زر کے کٹوروں کی مانند
دارائی سرخ ان جامہ زیبوں نے عاشق کے لوہو سے رنگیں کئے ہیں
بے خود ہو کہتا ہوں کیا خوب لگتے ہیں میرے کلیجے کے قوروں کی مانند
اے دست مشاطہ توں جب سیں پہونچا ہے اس زلف مشکیں کی شانہ کشی کوں
عاشق کی آہوں کے ان صاف رشتوں میں گرہاں ہیں انگلی کی پوروں کی مانند
یہ تنگی انہوں کے دہن کی نہ پاوے گا اپنے گریباں میں سر کو نوا توں
اے غنچہ باغی ہو مہتاب رویوں سیں مت خندہ پن کر چکوروں کی مانند
دل کے خزانے سیں شاید لیجاوے گا جی کے جواہر کوں عیاریوں سیں
ہر دم خیال اوس کا آنکھوں کے روزن سیں آتا ہے چھپ چھپ کہ چوروں کی مانند
غم کے پہاڑوں کوں سر پر اٹھائے ہیں وحشت کے پنجوں سیں آہوں نے میری
دل کے اکھاڑے میں اب کون ہم سر ہے ان پہلوانوں کے زوروں کی مانند
Siraj Aurangabadi ka aur kalaam
Koi aur sher