رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Siraj Aurangabadi
›
Intikhab-e-kalaam
تجھ زلف کی شکن ہے مانند دام گویا
Intikhab-e-kalaam ·
Siraj Aurangabadi ·
سراج اورنگ آبادی
· 6 sher
حسن
Husn
بہار
Bahar
رات
Raat
تجھ زلف کی شکن ہے مانند دام گویا
یا صبح پر ہماری آئی ہے شام گویا
ہیں صاد اس کی آنکھیں اور قد الف کے مانند
ابرو ہے نون نادر گیسو ہے لام گویا
مسجد میں تجھ بھنؤں کی اے قبلۂ دل و جاں
پلکیں ہیں مقتدی اور پتلی امام گویا
رنگیں بہار جنت دوزخ ہے مجھ کو اس بن
دوزخ ہے اس کے ہوتے دارالسلام گویا
ٹک ماہ نو کی جانب اے ماہ رو نظر کر
خم ہو تری بھنؤں کوں کرتا سلام گویا
گل رو کے قد مقابل ہو با ادب کھڑا ہے
شمشاد ہے چمن میں اس کا غلام گویا
Siraj Aurangabadi ka aur kalaam
Koi aur sher