رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Siraj Aurangabadi
›
Intikhab-e-kalaam
مت چڑھاؤ آستیں تم قتل کرنے پر مرے
Intikhab-e-kalaam ·
Siraj Aurangabadi ·
سراج اورنگ آبادی
· 6 sher
عشق
Ishq
موت
Maut
یاد
Yaad
مت چڑھاؤ آستیں تم قتل کرنے پر مرے
اپنے دامن کوں عبث آلودۂ خوں مت کرو
مہربانی کی طرح پہلی نہ بھولو یک بیک
بیت ابرو کوں تم اپنی تازہ مضموں مت کرو
لذت مستی اگر دل کوں تمہارے ہے عزیز
جب تلک دیوانہ ہوئے تب لگ فلاطوں مت کرو
اپنے عاشق کوں دکھاؤ جلوۂ ایماں فریب
عقل کی رکھتا ہے بو زاہد کوں مجنوں مت کرو
کر دیے ہیں عاشقوں نے خون اپنے کوں سبیل
پنجۂ نازک کوں مہندی لالہ گلگوں مت کرو
چھوڑ دیو تا آتش حسرت میں جل کر خاک ہوئے
لاشۂ عاشق کوں مرنے بعد مدفوں مت کرو
Siraj Aurangabadi ka aur kalaam
Koi aur sher