رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Haidar Ali Atish
›
Intikhab-e-kalaam
حسن سے رتبہ ہے اپنے عشق کامل کا بلند
Intikhab-e-kalaam ·
Haidar Ali Atish ·
حیدر علی آتش
· 6 sher
حسن
Husn
عشق
Ishq
غم
Gham
حسن سے رتبہ ہے اپنے عشق کامل کا بلند
آستانہ پر پری ہے بام پر دیوانہ ہے
اس میں رہتا ہے صفائے روئے جاناں کا خیال
دل نہیں پہلو میں اپنے آئینہ کا خانہ ہے
بیچتا ہوں دل کو جو محبوب چاہے مول لے
بوسہ قیمت ہے توجہ کی نظر بیعانہ ہے
پھوٹیں وہ آنکھیں نگاہ بد سے جو دیکھیں تجھے
آتشیں رخسار مجمر خال کالا دانہ ہے
روز و شب اس شمع رو کو بھیجتا ہوں خط شوق
نامہ بر دن کو کبوتر رات کو پروانہ ہے
خار خار دل غنیمت جانتا ہوں عشق میں
زلف دود آہ کی آراستگی کاشانہ ہے
Haidar Ali Atish ka aur kalaam
Koi aur sher