غرہ شوال
Nazm · Allama Iqbal · علامہ اقبال · 18 sher · Roman Urdu ke saath
Gurrah-e-Shawwal! Ae Noor-e-Nigah-e-RozadarAa Ke The Tere Liye Muslim Sarapa Intizar
Teri Peshani Pe Tehreer-e-Payam-e-Eid HaiSham Teri Kya Hai, Subah-e-Aysh Ki Tamheed Hai
Sargazasht-e-Millat-e-Baiza Ka Tu Aaeena HaiAe Mah-e-Nau! Hum Ko Tujh Se Ulfat-e-Dairina Hai
Jis Ilm Ke Saye Mein Taigh Azma Hote The HumDushmanon Ke Khoon Se Rangeen Qaba Hote The Hum
Teri Qismat Mein Hum Aghoshi Ussu Raayat Ki HaiHusn-e-Roz Afzoon Se Tere Aabru Millat Ki Hai
Ashana Parwar Hai Qoum Apni, Wafa Aaeen TeraHai Muhabbat Khaiz Ye Pairhan-e-Seemeen Tera
Auj-e-Gurdoon Se Zara Dunya Ki Basti Dekh LeApni Riffat Se Humare Ghar Ki Pasti Dekh Le!
Qafle Dekh Aur Un Ki Barq Raftari Bhi DekhRahru-e-Darmandah Ki Manzil Se Bezari Bhi Dekh
Dekh Kar Tujh Ko Ufaq Par Hum Lutate The GuharAe Tehi Saghar! Humari Aaj Nadari Bhi Dekh
Firqa Aarayi Ki Zanjeeron Mein Hain Muslim AseerApni Azadi Bhi Dekh, Un Ki Giraftari Bhi Dekh
Dekh Masjid Mein Shikast-e-Rishta-e-Tasbeeh-e-SheikhBut Kade Mein Barhaman Ki Pukhta Zunnari Bhi Dekh
Kafiron Ki Muslim Aaeeni Ka Bhi Nazara KarAur Apne Muslamon Ki Muslim Aazari Bhi Dekh
Barish-e-Sang-e-Hawadis Ka Tamashayi Bhi HoUmmat-e-Marhoom Ki Aaeena Deewari Bhi Dekh
Haan, Tamlluq Paishgi Dekh Aabru Walon Ki TuAur Jo Be-Aabu The, Un Ki Khuddari Bhi Dekh
Jis Ko Hum Ne Ashna Lutf-e-Takallum Se KiyaUss Hareef-e-Bezuban Ki Garm Guftari Bhi Dekh
Saaz-e-Ishrat Ki Sada Magrib Ke Aewanon Mein SunAur Iran Mein Zara Matam Ki Tayyari Bhi Dekh
Chaak Kar Di Turk-e-Nadan Ne Khilafat Ki QabaSadgi Muslim Ki Dekh, Auron Ki Ayyari Bhi Dekh
Soorat-e-Aaeena Sub Kuch Dekh Aur Khamosh RehSourish-e-Amroz Mein Mehw-e-Surood-e-Dosh Reh