Shourish-e-Maikhana-e-Insan Se Baalatar Hai TuZeenat-e-Bazm-e-Falak Ho Jis Se Woh Saghir Hai Tu
Ho Dar-e-Gosh-e-Uroos-e-Subah Woh Gohar Hai TuJis Pe Seemaye Ufaq Nazaan Ho Woh Zaiwar Hai Tu
Safha-e-Ayyam Se Dagh-e-Madaad-e-Shab MitaAsman Se Naqsh-e-Batil Ki Tarah Koukab Mita
Husn Tera Jab Huwa Baam-e-Falak Se Jalwa-GarAnkh Se Urta Hai Yak Dam Khawab Ki Mai Ka Asar
Noor Se Maamoor Ho Jata Hai Damaan-e-NazarKholti Hai Chashm-e-Zahir Ko Zia Teri Magar
Dhoondti Hain Jis Ko Ankhain Woh Tamasha ChahiyeChashme-e-Batin Jis Se Khul Jaye Woh Jalwa Chahiye
Shauq-e-Azadi Ke Dunya Mein Na Nikle HosleZindagi Bhar Qaid Zanjeer-e-Taaluq Mein Rahe
Zair-o-Bala Aik Hain Teri Nigahon Ke LiyeArzoo Hai Kuch Issi Chashm-e-Tamasha Ki Mujhe
Ankh Meri Aur Ke Gham Mein Sar Shak Abad HoImtiaz-e-Millat-o-Aaeen Se Dil Azad Ho
Basta-e-Rang-e-Khasusiat Na Ho Meri ZubanNoo-e-Insan Qoum Ho Meri, Watan Mera Jahan
Didah-e-Batin Pe Raaz-e-Nazm-e-Qudrat Ho AyanHo Shanasaye Falak Shama-e-Takhiyul Ka Duhwan
Uqda-e-Azdad Ki Kawish Na Tarpaye MujheHusn-e-Ishq Angaiz Har Shay Mein Nazar Aye Mujhe
Sadma Aa Jaye Hawa Se Gul Ki Patti Ko AgarAshak Ban Kar Meri Ankhon Se Tapak Jaye Asar
Dil Mein Ho Souz-e-Mohabbat Ka Woh Chota Sa ShararNoor Se Jis Ke Mile Raaz-e-Haqiqat Ki Khabar
Shahid-e-Qudrat Ka Aaeena Ho, Dil Mera Na HoSar Mein Juz Hamdardi-e-Insan Koi Souda Na Ho
Tu Agar Zehmat-Kash-e-Hangama-e-Alam NahinYe Fazilat Ka Nishan Ae Naiyyar-e-Azam Nahin
Apne Husn-e-Alam Aara Se Jot U Mehram NahinHumsar-e-Yak Zarra-e-Khak-e-Dar-e-Adam Nahin
Noor-e-Masjood-e-Malak Garam Tamasha Hi RahaAur Tu Minnat Pazeer-e-Subah-e-Farda Hi Raha
Arzoo Noor-e-Haqiqat Ki Humare Dil Mein HaiLaila-e-Zauq-e-Talab Ka Ghar Issi Mehmil Mein Hai
Kis Qadar Lazzat Kushood-e-Aqdah-e-Mushkil Mein HaiLutf-e-Sad Hasil Humari Saee-e-Behasil Mein Hai
Dard-e-Istafhaam Se Waqif Tera Pehlu NahinJustujoo-e-Raaz-e-Qudrat Ka Shanasa To Nahin