shabnam o gul ko dekh kar vajd na aa.e kis tarahḳhanda be-sabab nahīñ girya be-asar nahīñ
ye dekhte ho jo kāsa-e-sar ġhurūr-e-ġhaflat se kal thā mamlūyahī badan naaz se palā thā jo aaj miTTī meñ gal rahā hai
yaañ ḳhaak kā bistar hai gale meñ kafnī haivaañ haath meñ ā.īna hai gul pairahanī hai
bas ki paa.ī yaar kī rañgīñ-adā.ī se shikasthai kulāh-e-nāz-e-gul bar tāq-e-dīvār-e-chaman
garche hai dil-kushā bahut husn-e-farañg kī bahārtā.erak-e-buland-bām dāna-o-dām se guzar
pattā pattā buuTā buuTā haal hamārā jaane haijaane na jaane gul hī na jaane baaġh to saarā jaane hai
muflisī sab bahār khotī haimard kā e'tibār khotī hai
bahār-e-mai-kashī aa.ī chaman kī rut badaltī haighaTā mastāna uThtī hai havā mastāna chaltī hai
vo havā na rahī vo chaman na rahā vo galī na rahī vo hasīñ na rahevo falak na rahā vo samāñ na rahā vo makāñ na rahe vo makīñ na rahe
vaqt hai gar bulbul-e-miskīñ zuleḳhā.i kareyūsuf-e-gul jalva-farmā hai ba-bāzār-e-chaman
tū barg-e-gayā hai na vahī ahl-e-ḳhirad rāo kisht-e-gul-o-lāla ba-baḳhshad ba-ḳhare chand
raḳhnoñ se dīvār-e-chaman ke muñh ko le hai chhupā yaanīin surāḳhoñ ke Tuk rahne ko sau kā nazāra jaane hai
'valī' vasl-o-judā.ī suuñ sajan kīkabhū sahrā kabhū gulzār haiñ ham
ye kis kī hai tamannā chuTkiyāñ letī hai jo dil meñye kis kī aarzū hai jo kaleje ko masaltī hai
vahshat-afzā girya-hā mauqūf-e-fasl-e-gul 'asad'chashm-e-dariyā-rez hai mīzāb-e-sarkār-e-chaman
hāzir haiñ kalīsā meñ kabāb o mai-e-gulgūñmasjid meñ dharā kyā hai ba-juz mauiza o pand
ātish buland dil kī na thī varna ai kalīmyak sho.ala barq-e-ḳhiraman-e-sad-koh-e-tūr thā
tire ḳhat kā zamurrad-rañg dekhebahār-e-sumbulistāñ yaad aave
vo dīvāna hai jo is fasl meñ fasdeñ na khulvā.erag-e-har-shāḳh-e-gul se ḳhuun kī naddī ubaltī hai
chaak mat kar jaib be-ayyām-e-gulkuchh udhar kā bhī ishārā chāhiye
us fasl meñ ki gul kā garebāñ bhī hai havādīvāna ho gayā so bahut zī-shu.ūr thā
tire mukh ke chaman ke dekhne suuñmujhe firdaus-e-rizvāñ yaad aave
tujhe ai ḳhatīb-e-chaman nahīñ ḳhabar apne ḳhutba-e-shauq meñki kitāb-e-gul kā varaq varaq tirī be-ḳhudī se bikhar gayā