dil ko jo dekh lo to yahī pyaar se kahoqurbān jā.iye tire qurbān jā.iye
tāj-e-zar ke liye kyuuñ sham.a kā sar kaaTe hairishta-e-ulfat-e-parvāna ko gul-gīr na toḌ
liye jaatā hai josh-e-shauq ham ko rāh-e-ulfat meñnahīñ to zo.af se dushvār chalnā do-qadam hotā
ġhanīm-e-ġham kiyā hai fauj-bandī ishq-bāzāñ parbajā hai aaj vo raaja agar naubat bajā nikle
jannat meñ to nahīñ agar ye zaḳhm-e-teġh-e-ishqbadleñge tujh ko zindagī-e-jāvedāñ se ham
ahl-e-havas kī kashtī yak baam o do havā haidariyā-e-ishq meñ bhī sāhil ko DhūñDte haiñ
khulegā haal unheñ jab ki aañkh band huījo log ulfat-e-mushkil-kushā nahīñ rakhte
aa.iiñ kahāñ se aañkh meñ ātish-chikāniyāñdil āshnā-e-soz-e-mohabbat nahīñ rahā
ġhair hī maurid-e-ināyat haiham bhī to tum se pyaar rakhte haiñ
ishq meñ bedād-e-rashk-e-ġhair ne maarā mujhekushta-e-dushman huuñ āḳhir garche thā bīmār-e-dost
mire ash.ār ai 'iqbāl' kyuuñ pyāre na hoñ mujh komire TuuTe hue dil ke ye dard-añgez naale haiñ
ab kārobār-e-ishq se fursat mujhe kahāñkaunain kā vo dard baḌhā kar chale ga.e
abhī hamārī mohabbat kisī ko kyā ma.alūmkisī ke dil kī haqīqat kisī ko kyā ma.alūm
apne bismil se ye kahtā thā dam-e-naz.a vo shoḳhthā jo kuchh ahd so o āshiq-e-dil-gīr na toḌ
aql mahñgī hai bahut ishq ḳhilāf-e-tahzībdil ko is ahd meñ ham kaam meñ lā hī na sake
rahe mānind-e-la.al-e-be-bahā shāhāñ ke taaj uuparmohabbat meñ jo kui asbāb zāhir kuuñ bahā nikle
qais ho kohkan ho yā 'hālī'āshiqī kuchh kisī kī zaat nahīñ
dil-e-shaidā ne paayā ishq meñ me.arāj kā rutbayahāñ akasr butoñ ke zulm TuuTe āsmāñ ho kar
shahīd-e-ishq hue qais nāmvar kī tarahjahāñ meñ aib bhī ham ne kiye hunar kī tarah
kyā fā.eda hai dāva-e-ishq-e-husain sesar meñ agar vo shauq-e-shahādat nahīñ rahā
phir bhī karte haiñ 'mīr' sāhab ishqhaiñ javāñ iḳhtiyār rakhte haiñ
ḳhema-e-lailā siyāh o ḳhāna-e-majnūñ ḳharābjosh-e-vīrānī hai ishq-e-dāġh-e-bairūñ-dāda se
ishq kī ik jast ne tai kar diyā qissa tamāmis zamīn o āsmāñ ko be-karāñ samjhā thā maiñ
mastāna kar rahā huuñ rah-e-āshiqī ko taile jaa.e jazb-e-shauq mirā ab jidhar mujhe
kiyā kareñ vo sunāne ko pyaar kī bāteñunheñ hai mujh se adāvat kisī ko kyā ma.alūm
jis ne dil merā diyā dām-e-mohabbat meñ phañsāvo nahīñ mālūm muj ko nāsehā kyā chiiz hai
ham to ḳhud chāhte the chain se baiTheñ koī damaap kī yaad magar dil se bhulā hī na sake
chāhtā hai is jahāñ meñ gar bahishtjā tamāshā dekh us ruḳhsār kā
zad se ulfat kī bach ke chalnā thāmuft 'hālī' ne choT khaa.ī aaj
ba.ad mere na rahā ishq kī manzil kā nishāñmiT ga.e rāh-rau o rāhguzar donoñ saath
ishq ko hausla hai shart arnabaat kā kis ko Dhab nahīñ aatā