qazā ne thā mujhe chāhā ḳharāb-e-bāda-e-ulfatfaqat ḳharāb likhā bas na chal sakā qalam aage
kah ga.iiñ rāz-e-mohabbat parda-dārī-hā-e-shauqthī fuġhāñ vo bhī jise zabt-e-fuġhāñ samjhā thā maiñ
yaksāñ hai husn-o-ishq kī sar-mastiyoñ kā rañgun kī ḳhabar unheñ hai na merī ḳhabar mujhe
ḳhudā kare na phañse dām-e-ishq meñ koīuThā.ī hai jo musībat kisī ko kyā ma.alūm
hove ik qatra jo zahrāb-e-mohabbat kā nasībḳhizr phir to chashma-e-āb-e-baqā kyā chiiz hai
ishq kāmil hai usī kā ki patañgoñ kī tarahtaab nazzāra-e-ma.asūq kī lā hī na sake
ishq-bāzoñ ke haq meñ qātil kīhar nigah ḳhanjar o kaTārī hai
dil rahā pā-e-band-e-ulfat-e-dāmthī abas aarzū rihā.ī kī
rūThne se aap kā matlab ye haiis ko aa.e pyaar kyuuñ kaisī kahī
duur baiThā ġhubār-e-'mīr' us seishq bin ye adab nahīñ aatā
ġham-e-zamāna ne jhāḌī nashāt-e-ishq kī mastīvagarna ham bhī uThāte the lazzat-e-alam aage
ishq tirī intihā ishq mirī intihātū bhī abhī nā-tamām maiñ bhī abhī nā-tamām
ishq jab tak na kar chuke rusvāaadmī kaam kā nahīñ hotā
tum bhī muñh chuum lo be-sāḳhta pyaar aa jaa.emaiñ sunā.ūñ jo kabhī dil se fasānā dil kā
marg hī sehat hai us kī marg hī us kā ilaajishq kā bīmār kyā jaane davā kyā chiiz hai
urūs-e-dahr ko aayā thā pyaar ham par bhīye besvā thī kisī shab nisār ham par bhī
use kahnā bajā hai ishq ke gulzār kā bulbuljo gul-rūyāñ meñ paayā e'tibār āhista-āhista
vasl-e-jānāñ muhāl Thahrāyāqatl-e-āshiq ravā kiyā tū ne
mujhe rāz-e-ishq ke zabt meñ jo maza milā hai na pūchhiyemai-e-añgbīñ kā ye ghūñT thā ki gale se mere utar gayā
tū hai kis nāhiye se ai dayār-e-ishq kyā jānūñtire bāshindagāñ ham kaash saare bevafā hote
arz-e-niyāz-e-ishq ke qābil nahīñ rahājis dil pe naaz thā mujhe vo dil nahīñ rahā
ishq bhī ho hijāb meñ husn bhī ho hijāb meñyā to ḳhud āshkār ho yā mujhe āshkār kar
TuuT paḌtā hai daf.atan jo ishqbesh-tar der-pā nahīñ hotā
ġham-e-ishq meñ mazā thā jo use samajh ke khāteye vo zahr hai ki āḳhir mai-e-ḳhush-gavār hotā
gāliyāñ tanḳhvāh Thahrī hai agar baT jā.egīāshiqoñ ke ghar miThā.ī lab shakar baT jā.egī
hameñ bhī ātish-e-ulfat jalā chukī 'akbar'harām ho ga.ī dozaḳh kī naar ham par bhī
'valī' siine meñ mere panja-e-ishq-e-sitamgar nekiyā hai chaak dil kā pairahan āhista-āhista
thā na juz ġham bisāt-e-āshiq meñġham ko rāhat-fazā kiyā tū ne