fikr-e-manzil hai na hosh-e-jāda-e-manzil mujhejā rahā huuñ jis taraf le jā rahā hai dil mujhe
ba.ad mere na rahā ishq kī manzil kā nishāñmiT ga.e rāh-rau o rāhguzar donoñ saath
taab kyā ham-tāb hove us se ḳhurshīd-e-falakāftāb-e-dāġh-e-dil kī apne tābish aur hai
hai yahī raah manzil-e-maqsūdḳhuub raste lagā diyā tū ne
iqbāl musā.id jab na rahā rakkhe ye qadam jis manzil meñashjār se saaya duur huā chashmoñ ne ubalnā chhoḌ diyā
ḳhudī ho ilm se mohkam to ġhairat-e-jibrīlagar ho ishq se mohkam to sūr-e-isrāfīl
nisyah-o-naqd-e-do-ālam kī haqīqat mālūmle liyā mujh se mirī himmat-e-ālī ne mujhe
rok saktī ho to baḌh kar rok le manzil mujhehar taraf se aaj aatī hai sadā-e-dil mujhe
manzil-e-tūl-e-amal darpesh aur mohlat hai kamraah kis se pūchhiye hairat meñ naqsh-e-pā haiñ aap
rāheñ haiñ do majāz o haqīqat hai jin kā naamraste nahīñ haiñ ishq kī manzil ke chaar pāñch
kyā jur.ateñ jo ham ko darbāñ tumhārā Tokekah do ki ye to jāne-pahchāne aadmī haiñ
makān-e-college ke sab makīñ haiñ abhī unheñ tajrabe nahīñ haiñḳhabar nahīñ hai ki aage chal kar hai kaisī manzil haiñ kaisī jaade
fareb-ḳhurda-e-manzil hai kārvāñ varnaziyāda rāhat-e-manzil se hai nashāt-e-rahīl
tā-sub.h hai ba-manzil-e-maqsad rasīdanīdūd-e-charāġh-e-ḳhāna ġhubār-e-safar hai aaj
toḌ kar baiThā huuñ rāh-e-shauq meñ pā-e-talabdekhnā hai jazba-e-be-tābī-e-manzil mujhe
the mahv lāla-o-gul kis kaif-e-be-ḳhudī meñzaḳhm-e-jigar ke Tāñke TuuTe hañsī hañsī meñ
thī asīrān-e-qafas ko aarzū parvāz kīkhul ga.ī khiḌkī qafas kī kyā ki qismat khul ga.ī
nazar nahīñ to mire halqa-e-suḳhan meñ na baiThki nukta-hā-e-ḳhudī haiñ misāl-e-teġh-e-asīl
mujh se kahā jo yaar ne jaate haiñ hosh kis tarahdekh ke merī be-ḳhudī chalne lagī havā ki yuuñ
ye bhī kyā manzar hai baḌhte haiñ na rukte haiñ qadamtak rahā huuñ duur se manzil ko maiñ manzil mujhe
pursān-e-hāl vo ho aur sāmne bulā karkyā jāniye zabāñ se kyā nikle be-ḳhudī meñ
bāñdhī zāhid ne tavakkul par kamar sau baar chustlekin āḳhir bā.is-e-sussti-e-himmat khul ga.ī
ḳhudī vo bahr hai jis kā koī kināra nahīñtū aabjū ise samjhā agar to chāra nahīñ
parvāz-hā niyāz-e-tamāshā-e-husn-e-dostbāl-e-kushāda hai nigah-e-āshnā mujhe