na mazā hai dushmanī meñ na hai lutf dostī meñkoī ġhair ġhair hotā koī yaar yaar hotā
yaaro vo hai bigḌā huā bāteñ na banāokuchh pesh nahīñ jaane kī taqrīr kisī kī
ai dil razā-e-ġhair hai shart-e-razā-e-dostzinhār bār-e-ishq uThāyā na jā.egā
ḳhush-numā chīzeñ haiñ bāzār-e-jahāñ meñ be-shumārek naqd-e-dil se yā-rab mol kyā kyā lījiye
zaḳhm-e-jigar kā mere hai rashk dostoñ komartā huuñ maiñ ki ye kyuuñ qātil ko DhūñDte haiñ
na chhoḌe mohabbat dam-e-marg takjise yār-e-jānī suuñ yaarī lage
mujh ko dhokā hai tār-e-bistar kānā-tavāni-e-jism-e-yār na pūchh
ishq meñ bedād-e-rashk-e-ġhair ne maarā mujhekushta-e-dushman huuñ āḳhir garche thā bīmār-e-dost
jī meñ kyā kyā hai apne ai hamdampar suḳhan tā-ba-lab nahīñ aatā
kholī haiñ zauq-e-dīd ne āñkheñ tirī agarhar rahguzar meñ naqsh-e-kaf-e-pā-e-yār dekh
yā-rab ye maqām-e-ishq hai kyā go dīda-o-dil nākām nahīñtaskīn hai aur taskīn nahīñ ārām hai aur ārām nahīñ
mujhe mānte sab aisā ki adū bhī sajde kartedar-e-yār ka.aba bantā jo mirā mazār hotā
ham ne tirī ḳhātir se dil-e-zār bhī chhoḌātū bhī na huā yaar aur ik yaar bhī chhoḌā
raazī haiñ ham ki dost se ho dushmanī magardushman ko ham se dost banāyā na jā.egā
bazm-e-yārāñ se phirī bād-e-bahārī māyūsek sar bhī use āmāda-e-saudā na milā
kaisī yā-rab ye havā sub.h-e-shab-e-vasl chalībujh gayā dil mirā aur sham-e-sahar donoñ saath
'valī' mujh dil meñ aatā hai ḳhayāl-e-yār-e-be-parvāki jyuuñ añkhiyāñ manīñ aatā hai ḳhvāb āhista āhista
maiñ huuñ nā-āshnā-e-vasl hunūzmujh se kaif-e-visāl-e-yār na pūchh
chashm-e-mā raushan ki us bedard kā dil shaad haidīda-e-pur-ḳhūñ hamārā sāġhar-e-sarshār-e-dost
ibtidā hī meñ mar ga.e sab yaarishq kī kaun intihā laayā
hazār ḳhauf ho lekin zabāñ ho dil kī rafīqyahī rahā hai azal se qalandaroñ kā tarīq
paḌ gayā husn-e-ruḳh-e-yār kā partav jis parḳhaak meñ mil ke bhī is dil kī safā.ī na ga.ī
mahshar meñ jā-e-shikva kiyā shukr yaar kājo bhūlnā thā mujh ko vahī yaad rah gayā
dil ko kis shakl se apne na musaffā rakkhūñjalva-gar yaar kī sūrat hai is ā.īne meñ
aa rahī hai chāh-e-yūsuf se sadādost yaañ thoḌe haiñ aur bhaa.ī bahut
ġhāfiloñ ko kyā sunā.ūñ dāstān-e-ishq-e-yārsunñe vaale milte haiñ dard-āshnā miltā nahīñ
yārān-e-bazm-e-ishrat DhūñDūñ kahāñ maiñ tum kotāroñ kī chhāñv meñ yā pichhle kī chāñdnī meñ
kūcha-e-yār ain kaasī haijogī-e-dil vahāñ kā baasī hai
hamāre hisse kā ik jur.a bhī nahīñ baaqīnigāh-e-dost kī mai-ḳhāngī ko kyā kiije
ġhair yuuñ kartā hai merī pursish us ke hijr meñbe-takalluf dost ho jaise koī ġham-ḳhvār-e-dost
chaman meñ gul ne jo kal dāva-e-jamāl kiyājamāl-e-yār ne muñh us kā ḳhuub laal kiyā