is ġhazal par shaam se to sūfiyoñ ko vajd thāphir nahīñ mālūm kuchh majlis kī kyā hālat huī
shab-e-va.ada apnā yahī mashġhala thāuThā kar nazar sū-e-dar dekh lenā
chashm o dil biinā hai apne roz o shab ai mardumāñgarche sote haiñ ba-zāhir par haiñ bedārī meñ ham
dam-e-sub.h-e-azal se maiñ navā-sanjoñ meñ huuñ terebatāyā bulbul-e-sidra ne andāz-e-fuġhāñ mujh ko
us kī rātoñ kā intiqām na pūchhjis ne hañs hañs ke din guzāre haiñ
hai 'valī' kī zabāñ ko lazzat-baḳhshzikr har sub.h-o-shām tujh lab kā
chamkā tirā jamāl jo mahfil meñ vaqt-e-shāmparvāna be-qarār huā sham.a jal ga.ī
tū mirī raat ko mahtāb se mahrūm na rakhtire paimāne meñ hai māh-e-tamām ai saaqī
kyuuñ añdherī hai shab-e-ġham hai balāoñ kā nuzūlaaj udhar hī ko rahegā dīda-e-aḳhtar khulā
mai-ḳhāna vo manzar hai ki har sub.h jahāñ shaiḳhdīvār pe ḳhurshīd kā mastī se sar aave
fursat kahāñ ki ham se kisī vaqt tū miledin ġhair kā hai raat tire pāsbāñ kī hai
tire ruḳh ke ḳhayāl meñ kaun se din uThe mujh pe na fitna-e-roz-e-jazātirī zulf ke dhyān meñ kaun sī shab mire sar pe hujūm-e-balā na rahā
tasavvur sham.a kā jis ko jilā de huuñ vo parvānalag uTThī aag dil meñ jab nazar aayā dhuāñ mujh ko
shab-e-furqat bhī jagmagā uTThīashk-e-ġham haiñ ki māh-pāre haiñ
ai 'valī' ġhairat suuñ sūraj kyuuñ jale na.iiñ rāt-dinjag munīñ vo maah rashk-e-māh-e-kan.ānī huā
pareshāñ rahte ho din raat 'akbar'ye kis kī zulf kā saudā huā hai
mah o sitāra se aage maqām hai jis kāvo musht-e-ḳhāk abhī āvārgān-e-rāh meñ hai
nazar rāhat pe merī kar na va.ada shab ke aane kāki merī ḳhvāb-bandī ke liye hogā fusūñ vo bhī
kyā jāneñ ve murġhān-e-giraftār-e-chaman kojin tak ki ba-sad-nāz nasīm-e-sahar aave
dī shab-e-vasl mo.azzin ne azaañ pichhlī raathaa.e kam-baḳht ko kis vaqt ḳhudā yaad aayā
balā se girya-e-shab tū hī kuchh asar kartāagarche ishq meñ āh-e-sahar se kuchh na huā
sub.h-e-azal se tā-abad qissa na hogā ye tamāmjaur-e-falak kī dāstāñ aisī bhī muḳhtasar nahīñ
shab-e-firāq hai aur niind aa.ī jaatī haikuchh is meñ un kī tavajjoh bhī paa.ī jaatī hai
tirī zulfāñ meñ yū mukh jo ki dekheuse sham-e-shabistāñ yaad aave
talāsh us kī fazāoñ meñ kar nasīb apnājahān-e-tāza mirī āh-e-sub.h-gāh meñ hai
chaak kī ḳhvāhish agar vahshat ba-uryānī karesub.h ke mānind zaḳhm-e-dil garebānī kare
tū sub.h qadam-ranja kare Tuk to hai varnakis vāste āshiq kī shab-e-ġham basar aave