asar us ke ishva-e-nāz kā jo huā vo kis se bayāñ karūñmujhe to ajal kī hai aarzū use vahm hai ki ye mar gayā
muñh na khulne par hai vo aalam ki dekhā hī nahīñzulf se baḌh kar naqāb us shoḳh ke muñh par khulā
ham hue tum hue ki 'mīr' hueus kī zulfoñ ke sab asiir hue
mujh se adā huā hai 'jigar' justujū kā haqhar zarre ko gavāh kiye jā rahā huuñ maiñ
zulf terī hai mauj jamunā kītil nazik us ke jiyūñ sanāsī hai
dekh kar ā.īna kyā kahtā hai yaaro ab vo shoḳhmaah se sad chand behtar haiñ adā-dārī meñ ham
tū jo ai zulf pareshān rahā kartī haikis ke ujḌe hue dil meñ hai Thikānā terā
tayyār the namāz pe ham sun ke zikr-e-hūrjalva butoñ kā dekh ke niyyat badal ga.ī
baat chhuptī nahīñ paḌtī haiñ nigāheñ sab kīus ke dāman kī taraf mere garebāñ kī taraf
na itnā burrish-e-teġh-e-jafā par naaz farmāomire dariyā-e-be-tābī meñ hai ik mauj-e-ḳhūñ vo bhī
nahīñ aate kaso kī āñkhoñ meñho ke āshiq bahut haqīr hue
kyā jāniye kyā ho gayā arbāb-e-junūñ komarne kī adā yaad na jiine kī adā yaad
ye siyah-zulf tujh zanaḳhdāñ parnāganī jyuuñ kūñve pe pyāsī hai
ham apnā ishq chamkā.eñ tum apnā husn chamkāoki hairāñ dekh kar aalam hameñ bhī ho tumheñ bhī ho
apnī āñkhoñ meñ abhī kauñd ga.ī bijlī sīham na samjhe ki ye aanā hai ki jaanā terā
ye husn o ishq hī kā kaam hai shubah kareñ kis parmizāj un kā nahīñ miltā hamārā dil nahīñ miltā
chashm-e-ā.īna pareshāñ-nazarī siikh ga.īdekhtā thā ye bahut zulf-e-pareshāñ kī taraf
mai-kada gar chashm-e-mast-e-nāz se paave shikastmū-e-shīsha dīda-e-sāġhar kī mizhgānī kare
aage ye be-adā.iyāñ kab thiiñin dinoñ tum bahut sharīr hue
kyā lutf ki maiñ apnā pata aap batā.ūñkiije koī bhūlī huī ḳhaas apnī adā yaad
saudā-e-zulf-e-ḳhūbāñ rakhtā huuñ dil meñ daa.imzanjīr-e-āshiqī kā dīvāna ho rahā huuñ
shamīm-e-zulf ho us kī to ho farhat mire dil kosabā hovegā mushk-chīñ kī ḳhushbūī se kyā hāsil
pas-e-parda bhī lailā haath rakh letī hai āñkhoñ parġhubār-e-nā-tavān-e-qais jab mahmil se miltā hai
chhupā hai siina o ruḳh dil-sitāñ hāthoñ se karvaT meñmujhe sote meñ bhī vo husn se ġhāfil nahīñ miltā
ḳhatt-e-āriz se likhā hai zulf ko ulfat ne ahdyak-qalam manzūr hai jo kuchh pareshānī kare