lagte hī Thes TuuT gayā sāz-e-ārzūmilte hī aañkh shīsha-e-dil chuur chuur thā
mū-ba-mū us kuuñ hai pareshānīzulf-e-mushkīñ kā jis kuuñ saudā hai
rahzanoñ meñ nāz-o-ġhamza kī ye jins-e-dīn-o-diljuuñ matā-e-burda āḳhir ham-digar baT jā.egī
haiñ tevrī meñ bal to nigāheñ phirī huījaate haiñ aise aane se ausān jā.iye
kis naaz se kahte haiñ vo jhuñjhlā ke shab-e-vasltum to hameñ karvaT bhī badalne nahīñ dete
muravvat se ho begāna vafā se duur ho kosoñye sach hai nāznīñ ho ḳhūbsūrat ho magar kyā ho
haq huā kis se adā us kī vafādārī kājis ke nazdīk jafā bā.is-e-āzār nahīñ
khulegā haal unheñ jab ki aañkh band huījo log ulfat-e-mushkil-kushā nahīñ rakhte
aa.iiñ kahāñ se aañkh meñ ātish-chikāniyāñdil āshnā-e-soz-e-mohabbat nahīñ rahā
aah ko chāhiye ik umr asar hote takkaun jiitā hai tirī zulf ke sar hote tak
vo aañkh ki hai surma-e-afrañg se raushanpurkār o suḳhan-sāz hai namnāk nahīñ hai
nāz-bardāar-e-lab hai jaañ jab setere ḳhat kī ḳhabar ko paatī hai
āñkhoñ meñ bas ke dil meñ samā kar chale ga.eḳhvābīda zindagī thī jagā kar chale ga.e
agar gulshan taraf vo nau-ḳhat-e-rañgīñ-adā niklegul o raihāñ suuñ rañg-o-bū shitābī peshvā nikle
hai dil ko jo yaad aa.ī falak-e-pīr kisī kīāñkhoñ ke tale phirtī hai tasvīr kisī kī
saudā.iyān-e-zulf meñ kuchh to laTak bhī hojannat meñ jā.iye to pareshān jā.iye
maz.har-e-jalva-e-jānāñ hai har ik shai 'akbar'be-adab aañkh kisī samt uThā hī na sake
kahā maiñ ne ki aañsū aañkh kā lekin nahīñ thamtākahā āñkheñ koī talvoñ se mal Daale agar kyā ho
sarv yā gul aañkh meñ jachte nahīñdil pe hai naqsh us kī rānā.ī bahut
kuchh aaj shaam se chehra hai faq sahar kī tarahDhalā hī jaatā huuñ furqat meñ dopahar kī tarah
gul-hā-e-husn-e-yār meñ dāman-kash-e-nazarmaiñ ab harīs-e-gulshan-e-jannat nahīñ rahā
ā.īna dekh apnā sā muñh le ke rah ga.esāhab ko dil na dene pe kitnā ġhurūr thā
terī nigāh se dil sīnoñ meñ kāñpte thekhoyā gayā hai terā jazb-e-qalañdarāna
chashm-e-bad-dūr-chasm-e-tar ai 'mīr'āñkheñ tūfān ko dikhātī hai
husn-e-azal kī shaan dikhā kar chale ga.eik vāqi.a sā yaad dilā kar chale ga.e
nisār us ke qadam uupar karūñ añjhuvāñ ke gauhar sabagar karne kuuñ dil-jūī vo sarv-e-ḳhush-adā nikle
nāzāñ na ho mun.im ki jahāñ terā mahal haihovegī yahāñ pahle bhī ta.amīr kisī kī
nigah-e-sharm ko be-tāb kiyā kaam kiyārañg laayā tirī āñkhoñ meñ samānā dil kā
be-takalluf bosa-e-zulf-e-chalīpā lījiyenaqd-e-dil maujūd hai phir kyuuñ na saudā lījiye
af.ī nahīñ khulī huī zulfoñ kā aks haijaate kahāñ ho ā.īna o shāna chhoḌ kar
hai vo der āshnā to aib hai kyāmarte haiñ ham inhīñ adāoñ par
tujhī ko dekhūñgā jab tak haiñ barqarār āñkheñmirī nazar na phiregī tirī nazar kī tarah