Pukhta Tar Hai Gardish-E-Peham Se Jaam-E-ZindagiHai Yehi Ae Be-Khabar Raaz-E-Dawam-E-Zindagi
Bartar Az Andesha’ay Sood-O-Ziyan Hai ZindagiHai Kabhi Jaan Aur Kabhi Tasleem-E-Jaan Hai Zindagi
Tu Isse Pemana’ay Amroz-O-Farda Se Na NaapJavidan, Peham Dawan, Har Dam Jawan Hai Zindagi
Apni Dunya Ap Paida Kar Agar Zindon Mein HaiSirr-E-Adam Hai, Zameer-E-Kun Fikan Hai Zindagi
Zindagani Ki Haqiqat Kohkan Ke Dil Se PoochJooye Sheer-O-Teesha-O-Sang-E-Garan Hai Zindagi
Bandagi Mein Ghat Ke Reh Jati Hai Ek Jooay Kam AabAur Azadi Mein Beher-E-Bekaran Hai Zindagi
Ashkara Hai Ye Apni Quwwat-E-Taskheer SeGharche Ek Mitti Ke Paikar Mein Nihan Hai Zindagi
Qulzam-E-Hasti Se Tu Ubhra Hai Manind-E-HababIss Ziyan Khane Mein Tera Imtihan Hai Zindagi
Urooq-E-Murda’ay Mashriq Mein Khoon-E-Zindagi DoraSamajh Sakte Nahin Iss Raaz Ko Seena-O-Farabi
Tere Seene Mein Hai Poshida Raaz-E-Zindagi Keh DeMusalman Se Hadees-E-Soz-O-Saaz-E-Zindagi Keh De
Zindagi Ki Rah Mein Chal, Lekin Zara Bach Bach Ke ChalYe Samajh Le Koi Meena Khana Bar-e-Dosh Hai
Sae-e-Peham Hai Tarazuye Kam-o-Kaif-e-HayatTeri Meezan Hai Shumar-e-Sehar-o-Shaam Abhi
Nafas-e-Garam Ki Taseer Hai Ijaz-e-HayatTere Seene Mein Agar Hai To Masihayi Kar
Adam Ko Sabat Ki Talab HaiDastoor-e-Hayat Ki Talab Hai
Anjam-e-Khirad Hai Be HuzooriHai Falsafa Zindagi Se Doori
Deen-e-Maslak-e-Zindagi Ki TaqweenDeen-e-Sirr-e-Muhammad (S.A.W.)-o- Baraheem (A.S.)
Ishq Sukoon-o-Sabat,Ishq Hayat-o-MamatIlm Hai Paida Sawal, Ishq Hai Pinhan Jawab!
Zamana Aik, Hayat Aik, Kainat Bhi AikDaleel-e-Kam-Nazari, Qissa-e-Jadeed-o-Qadeem
Takhiyulat Ki Dunya Ghareeb Hai, LekinGhareeb Tar Hai Hayat-o-Mumat Ki Dunya
Aqal-e-Bemaya Imamat Ki SazawarRahbar Hi Zan-o-Takhmeen To Zaboon Kar-e-Hayat
Fikar Be-Noor Tera, Jazb-Eamal Be-BunyadSakht Mushkil Hai Ke Roshan Ho Shab-e-Tar-e-Hayat
Khoob-o-Na-Khoob Amal Ki Ho Girah Wa KyunkarGar Hayat Aap Na Ho Shareh-e-Asrar-e-Hayat
Garaiz Kashmakash-e-Zindagi Se, Mardon KiAgar Shikast Nahin Hai To Aur Kya Hai Shikast!
Bataun Tujh Ko Musalman Ki Zindagi Kya HaiYe Hai Nihayat-e-Andesha-o-Kamal-e-Junoon
Haqaeeq-e-Abdi Par Asas Hai Iss KiYe Zindagi Hai, Nahin Hai Tilism-e-Aflatoon!
Mout Ke Aaeene Mein Tujh Ko Dikha Kar Rukh-e-DostZindagi Tere Liye Aur Bhi Dushwar Kare
Teri Mata-e-Hayat Ilm-o-Hunar Ka SuroorMeri Mata-e-Hayat Aik Dil-e-Nasaboor!
Qoumon Ki Hayat In Ke Takhiyyul Pe Hai MouqoofYe Zauq Sikhata Hai Adab Murgh-e-Chaman Ko
Nihad-e-Zindagi Mein Ibtida ‘LA’ , Intiha ‘ILLA’Payam-e-Mout Hai Jab ‘LA’ Huwa ‘ILLA’ Se Begana
Nazar Hayat Pe Rakhta Hai Mard-e-Danish-MandHayat Kya Hai, Huzoor-o-Suroor-o-Noor-o-Wujood
Nigah Mout Pe Rakhta Hai Mard-e-Danish-MandHayat Hai Shab-e-Tareek Mein Sharar Ki Namood
Hayat-o-Mout Nahin Iltafat Ke LaeekFaqt Khudi Hai Khudi Ki Nigah Ka Masood
Na Juda Rahe Nawa Gar Tab-o-Taab-e-Zindagi SeKe Halaki-e-Umam Hai Ye Tareeq-e-Ne Nawazi
Qismat-e-Badah Magar Haq Hai Ussi Millat KaAngbeen Jis Ke Jawanon Ko Hai Talkhaab-e-Hayat !
Zindagi Kuch Aur Shay Hai, Ilm Hai Kuch Aur ShayZindagi Souz-e-Jigar Hai, Ilm Hai Souz-e-Damagh
Dil Larazta Hai Hareefana Khashakash Se TeraZindagi Mout Hai, Koh Deti Hai Jab Zauq-e-Kharash
Sar Chashma-e-Zindagi Huwa KhushkBaqi Hai Kahan Mai-e-Shabana
Seene Meinagar Na Ho Dil-e-GaramReh Jati Hai Zindagi Mein Khami
Hai Aab-e-Hayat Issi Jahan MeinShart Iss Ke Liye Hai Tashna Kami
Wujood-e-Zan Se Hai Tasveer-e-Kainat Mein RangIssi Ke Saaz Se Hai Zindagi Ka Souz-e-Darun